بەداخ و پەژارەیەکی زۆرەوە، هەواڵی ژیانئاوايی هاوڕێ “مەحمود سەهامی‌زادە”، ناسراو بە «مەزرە»، تێکۆشەری دێرینی کۆمەڵە، کەسایەتیی سیاسی و زیندانیی سیاسیی دەیەی شەستی هەتاوی و خەڵکی شاری سەقزمان پێگەیشت.
هاوڕێ مەحموود لە ڕیزی ئەو نەوەیە لە تێکۆشەرانی کوردستاندا بوو کە لە قۆناغێکی هەستیار و چارەنووسسازدا، بە هەڵبژاردنی ڕێگای خەباتی سیاسی و تێکۆشانی شۆڕشگێڕانە، بەشێک لە تەمەنی خۆیان تەرخان کرد بۆ بەرەنگاربوونەوەی ستەم و زۆرداری و خەبات لە پێناو ئازادی و دادپەروەریدا. بەشداریکردنی لە شۆڕشی ساڵی ١٣٥٧ی هەتاوی و زیندانیبوونی سیاسی لە دەیەی شەستدا، بەشێکن لە مێژووی خەبات و خۆڕاگریی ئەو تێکۆشەرەی کە ژیانی سیاسیی خۆی لەگەڵ بەشێک لە پڕشنگدارترین و لە هەمان کاتدا دژوارترین قۆناغەکانی خەباتی کوردستاندا گرێ دا.
دەیەی شەستی هەتاوی، قۆناغێکی پڕ لە سەرکوت، زیندان و تاقیکردنەوەی باوەڕ و ئیرادەی تێکۆشەرانی ئازادیخواز بوو. لەو سەردەمەدا، مانەوە لەسەر باوەڕ و پاراستنی پێگەی سیاسی، پێویستی بە خۆڕاگری و ئیرادەیەکی بەهێز هەبوو. هاوڕێ مەحموود، بە تێپەڕاندنی ئەزموونی زیندانی سیاسی، بەشێک بوو لەو نەوەیەی کە لە ناو ئەو بارودۆخە سەختەدا، بەهایەکی گران بۆ خەباتی سیاسی و ئازادیخوازییان دا. ئەو ئەزموونە، بەشێکە لە بیرەوەریی کۆمەڵایەتی و سیاسیی کوردستان و لە مێژووی ئەو خەباتەدا جێگای خۆی هەیە.
هاوڕێ مەحموود سەهامی‌زادە یەکێک لەو تێکۆشەرانە بوو کە ژیانی سیاسیی خۆی لەگەڵ خەباتی چەپ و ئازادیخوازیی کوردستاندا بەستەوە. یادکردنەوە لەم خەباتگێڕە، تەنها ڕێزگرتن لە کەسایەتییەکی سیاسیی دێرین نییە، بەڵکو ڕێزگرتنە لە بەشێک لە مێژووی خەباتێک کە بە هەوڵ، خۆڕاگری و قوربانیدانی نەوەیەک لە تێکۆشەران درێژەی پێ دراوە.
کۆمەڵە، وەک بەشێک لە ئەو مێژووە سیاسییەی کوردستان، یاد و ڕێزی ئەو تێکۆشەرانە بەرز رادەگرێت کە لە قۆناغە جیاوازەکانی خەباتدا، بە شێوەی جیاواز بەشدارییان لە پێشخستنی ئامانجەکانی ئازادی و دادپەروەریدا کردووە. لەو چوارچێوەیەدا، ژیان و تێکۆشانی هاوڕێ مەحموودیش بەشێکە لە بیرەوەریی ئەو نەوەیەی کە خەباتی سیاسی و کۆمەڵایەتیی کوردستانی بە ئەزموون و خۆڕاگریی خۆی دەوڵەمەند کردووە.
ژیانئاوايی هاوڕێ مەحموود بۆ بنەماڵە و کەسوکاری، هاوڕێیان و هاوسەنگەرانی، و هەموو ئەو کەسانەی کە لەگەڵی هاوبەشی ڕێگا و باوەڕیان بوون، خەمێکی قووڵ و لەدەستدانی کەسایەتییەکی ناسراوی خەباتی سیاسییە. لەم ساتە دژوارەدا، بە ڕێزەوە یاد لە ژیانی سیاسی و تێکۆشانی دەکەین و خۆمان بە بەشداری ئەو خەمە دەزانین.
لە لایەن کۆمەڵەی زەحمەتکێشانی کوردستان و سکرتارییەتەوە، سەرەخۆشیی گەرمی خۆمان ئاراستەی بنەماڵەی بەڕێزی هاوڕێ مەحموود سەهامی‌زادە «مەزرە»، هەموو کەسوکار و نزیکەکانی، هاوڕێیان و هاوسەنگەرانی دەکەین. هەروەها سەرەخۆشی لە خەڵکی سەقز و هەموو ئازادیخوازان و تێکۆشەرانی کوردستان دەکەین کە لە ژیانئاوايی ئەم تێکۆشەرە دێرینەدا خەمبارن.
یاد و ناوی هاوڕێ مەحموود سەهامی‌زادە بەڕێز بێت.
کۆمەڵەی زەحمەتکێشانی کوردستان_سکرتارییەتی کومیتەی ناوەندی
پێنجشەممە:٢٣ی ڕەزبەری ٢٧٢٦ی کوردی
١٥ی ئۆکتۆبری ٢٠٢٦ زایینی