زۆر بەداخەوە ئەمڕۆ دووشەممە ١٠ی فێڤرییەی ٢٠٢٥ی زایینی هاوڕێ وریا ڕەزاڕوبابی پێشمەرگە و تێکۆشەری ڕیزەکانی کۆمەڵە بە هۆی نەخۆشیی شێرپەنجەوە لە شاری کۆڵنی ئاڵمان ماڵئاوایی لە ژیان کرد.
هاوڕێ وریا وەک زۆرێک لە لاوانی کوردستان و بە تایبەت شاری سنەی سەربەرز لە تەمەنی لاویەتی و تازە پێگەیشتنی رووی کردە ریزی پێشمەرگایەتی و بەو پەڕی دڵسۆزی و هیوا و ئومێد بۆ بەدیهاتنی داهاتووی گەش و ئازاد لە کوردستان بەردەوام بوو.
تایبەتمەندیی وریای هەمیشە لێو بە خەندە، ئەوی کردبووە خۆشەویستی هەمووان. هاوڕێ وریا کورت ژیا، بەڵام سەربەرز و هەنگاو قایم.
لە لایەن کومیتەی ناوەندیی و هەموو ریزەکانی کۆمەڵەی زەحمەتکێشانی کوردستانەوە سەرەخۆشی خۆمان ئاراستەی هاوڕێ ئەسرین زەمانی، منداڵە ئازیزەکانی هۆنیا و ئاکام و مەهوەش خانم دایکی و هەموو بنەماڵەی ڕەزاڕوبابی ئەکەین و شەریکی خەمیانین.
یادی هاوڕێ وریا ڕەزاڕوبابی هەمیشە بەرز و بەڕێزە
کومیتەی ناوەندیی کۆمەڵەی زەحمەتکێشانی کوردستان
٢٢ی ڕێبەندانی ١٤٠٣ی هەتاویی
١٠ی فێڤرییەی ٢٠٢٥ی زایینی